Заңда жол теп-тегіс болсын деген талап жоқ. Стандарт бойынша жолдың жүріс бөлігіндегі шұңқыр немесе ойықтың ұзындығы — 15 см, ені — 60 см, тереңдігі — 5 см, ауданы 0.09 шаршы метрден аспауы қажет.
Бірақ бұл норма толық сақталады дей алмаймыз. Көктем сайын тас жолдар тозып кетеді. Шенділерге тозған жолды тез жөндету үшін не істеу керек? Шағым немесе үндеу жазу, шұңқырдың фотосы мен видеосын жіберу, қоңырау шалу, жауапты органға бару… Қысқасы, қолда бар мүмкіндіктің бәрін пайдаланып, жолды жөндеуді талап ету қажет.
Kolesa.kz редакциясы әр өңірдегі қоғамдық қабылдау кеңселерінің мекенжайын жинауға тырысты. Тұрғындар өтінішін онлайн қабылдау қызметі үш қалада ғана бар екені белгілі болды:
Алматы
- Әкімдіктің Open Almaty қоғамдық қабылдау бөлімі
- Алматы қаласы әкімдігінің қоғамдық қабылдау кеңсесі. Телефон: 1308 тегін қысқа нөмірі, +7 727 338 33 88.
Астана
- iKOMEK 109 бірыңғай байланыс орталығы
- iKOMEK109 мобильді қосымшасы (PlayMarket немесе AppStore), Smart Astana мобильді қосымшасы (PlayMarket | AppStore), 109@ikomekastana.k, Telegram
чат-боты. 109 тегін қысқа нөмірі. - Елорда әкімдігінің сайтындағы жеке кабинет бөлімінде (eGov.kz арқылы тіркелу қажет) қала басшысына арыз жазуға да болады.
Шымкент
- i-Shymkent 109 бірыңғай байланыс орталығы
- 109 тегін қысқа нөмірі, 8 7777 109 109 whatsapp нөмірі, @ishymkent109, @iKomek Shymkent, telegram-bot: @shymkentonlinekz_bot.
Қоғамдық қабылдау орны жоқ өңір тұрғындары не істейді?
Олар жолдағы ақау жайлы мемлекеттік органдарға арыз жазуға арналған
Мұнда барлық өтініш тіркеледі. Шенділер оған жауап беруге, асфальтты жөндеумен қатар арыз жазған азаматқа атқарылған жұмыс туралы есеп береді. Әрине, мәселе бірден шешілмеуі мүмкін, бірақ сіз көрсеткен шұңқыр әкімдіктің жөндейтін жолдар тізіміне енеді.
Өтінішті қалай жазады?
Шағым жазу тәртібін анық түсіндіру үшін Алматы қаласы Радостовец көшесіндегі № 75 үйдің жанында пайда болған шұңқырды таңдап, суретке түсірдік. Стандарт бойынша бұл ақау жөндеуді қажет етіп тұр. Жауапты орган шұңқырды қанша уақытта жөндейтінін де анықтаймыз.
eOtinish сайтын ашып, оң жақ жоғарғы бұрышта тұрған «Кіру» батырмасын басамыз.
Содан кейін сайт «электрондық үкімет» порталына ауысады, онда ЭЦҚ (электрондық цифрлық қолтаңба) арқылы жүйеге кіру қажет.
Тіркелген соң eOtinish сайты қайта ашылады. Көк түсті «Өтініш беру» бағанын таңдау қажет.
Ашылған беттегі «Кодекс түрі» бағанында «Басқа» тармағын таңдау керек.
Ал «Мемлекеттік органды таңдау» бағанына шағым жазатын мекемені көрсетесіз. Біз Алматы қаласы мобилділік басқармасын таңдаймыз.
Содан кейін прлоблеманы сипаттап жазу қажет. Талапты еркін формада жазсаңыз болады.
Содан соң шұңқырдың фотосуретін қосыңыз.
Шұңқыр орналасқан мекенжайды картада белгілеуге болады.
Содан кейін тұрғылықты мекенжайыңызды көрсетіп, өтінішке электронды қолтаңбамен қол қойып, жолдайсыз.
Аз уақыттан соң өтініш тіркелгені және қаралатыны туралы SMS хабарлама аласыз. Бізге хабарлама бір сағаттан кейін келді.
Жол жөндеушілер өтінішті алған сәттен бастап 15 күн ішінде қарастыруға міндетті. Егер басқа лауазымды тұлғалардан ақпарат алу немесе тексеру қажет болса, мәселені қарауға 30 күн беріледі. Ал қосымша материалдарды зерттеу қажет болса, қарау мерзімі тағы бір айға ұзарады. Бірақ бұл туралы өтініш берушіге үш күн ішінде ескерту қажет.
Алматы, Астана және Шымкент қаласының қоғамдық қабылдау кеңсесіне онлайн өтініш беру алгоритмі негізінен ұқсас. Жазбаша шағымды қарау процесі ыңғайлы, бірақ баяу. Өтініш беру үшін ешқайда барудың қажеті жоқ, бәрін онлайн режимде істеуге болады.
Комментариев: 0