Естеріңізге сала кетейік, «80» деген белгілерді Шығыс айналма жолы, Әл-Фараби, Саин көшелерінен осы жылдың қаңтарында алып тастаған болатын. ҚР БП-ның Құқықтық статистика және арнайы есепке алу жөніндегі комитетінің деректері бойынша, содан бері жаяу жүргіншілердің қатысуымен болған 33 жол апаты тіркелген екен, ал 2018 жылғы осыған ұқсас кезеңде 45 оқиға тіркеліпті. Яғни, көлік астына түскен жаяу жүргіншілердің саны бір жарым есеге азайған.
Бірақ қазіргі жағдайға жіті мән берсек, аталған көшелердегі жаяу жүргіншілер бұрын кесіп өтуге жүрексінген (көлік жылдамдығы жоғары және жол кең болғандықтан) немесе ерінген (Әл-Фарабиді бөліп тұрған қоршау 2019 жылдың наурызында алынды) бөліктерден қазір қымсынбай жүгіріп өте шығатындар көбейді.
Десе де статистикамен дауласа алмаймыз! Бұрынғы көліктер үлкен жылдамдықта еркін жүйткіген тас жолдарда қазір жаяу жүргіншілердің қатысуымен болатын апаттар саны азайды, сол себепті биліктің қатаң шарасы жағымды нәтиже берді деп айтуға әбден болады.
Комментариев: 0