Lynk&Co ірі электроседанды сынақтан өткізіп жатыр

Geely концерніне кіретін Lynk&Co бренді Zero атауымен нарыққа шығатын үлкен электрлі седанының фототыңшылар түсірген ресми суреттерін жариялады. Қытайлық БАҚ хабарлағандай, Zero платформасы Zeekr 001-мен бірдей және Lynk&Co-ның алғашқы толық электрлі көлігі болады.

Ұзындығы бес метрден асатын Lynk&Co Zero-ның ось арасындағы қашықтығы үш метрден асады, болашақ электрокар брендтің ең үлкен жеңіл көлігіне айналады. Суреттерден модель жасырын есік тұтқасы бар сүйір пішінді шанағымен фастбек болатынын, бірақ дизайнында ерекшелік болмайтынын көруге болады.

1 / 8

• 
• 
• 
• 
• 
• 
• 
• 

1 / 8

Компания автомобильдің сырт келбетін 07 EM-P сияқты басқа модельдердегі элементтерді пайдаланып жасаған. Мысалы, 26 жарықдиодтан тұратын көлденең жолақты H тәрізді бас оптиканы алған.

Алдын ала мәлімет бойынша машина толық басқарылатын шасси мен адаптивті пневматикалық аспа, сондай-ақ 800 вольттық архитектурамен жабдықталады. Компания электроседанға күштік құрылымды жақында жаңарған Zeekr 001-ден алуы мүмкін. Жаңа өнімнің кейбір комплектациясында жақсарған лидар негізіндегі жартылай автономды басқару жүйесі болады. Суреттердегі алдыңғы әйнектің жоғарғы жағындағы лидар бірден көзге түседі. Жергілікті БАҚ Zero-ның бәсекелесі жақында саудаға шығатын Xiaomi SU7 болады деді.

Электрокар осы жылдың ортасында саудаға шығады деп жоспарланған. Zero Lynk&Co-ның 03 және 07-ден кейінгі үшінші седаны болады. Бұрын бренд кроссоверлермен танымал болатын және бұл топтаманы дамытудан бас тартып отырған жоқ. 2024 жылдың аяғына қарай бренд Zeekr X базасында батареялы кроссовер көрсетеді.