Sputnik.kz порталы хабарлағандай, Lexus LX 470 Момышұлы көшесімен қозғалып бара жатқан. Almaty Arena маңында жүргізуші рөлге ие бола алмай, көлік жол шетіндегі жиектасқа соғылып, аударылып қалған. Жол жиегімен 30 метрге дейін домалаған Lexus жарық бағанасына соғылып, қайта жолға түседі.
Машина жарық бағанасына соғылған кезде алдыңғы есігінің бірі жұлынып, жүргізуші көшеге ұшып түскен. Ол қауіпсіздік белдігін тақпаған көрінеді. Машина да, оның бөлшектері де ешкімге тиген жоқ, бірақ сол сәтте өтіп бара жатқан Daewoo Matiz-дің үстіне жарық бағанасы құлады.
Lexus LX 470 жүргізушісінің тірі қалғаны хабарланды. Бірақ ол ауыр жағдайда ауруханада жатыр. Түрлі жарақат алған жол талғамайтын көліктегі екі жолаушы да емханаға жеткізілді.
Комментариев: 0