Жолсыз жерде еркін жүретін Chrysler Pacifica

Chrysler-дің жұтаң ассортименті Лавленд қаласындағы Overland Expo Mountain West көрмесіне қатысатын экспонат жасауға кедергі болмады. Табиғат аясында саяхаттауға ыңғайлы машинаға донор ретінде Pacifica таңдалды. Инженерлер бір-ақ данасын жасаған, бірақ кейін көптеп шықса таңғалмаймыз.

1 / 10

• 
• 
• 
• 
• 
• 
• 
• 
• 
• 

1 / 10

Chrysler Pacifica Grizzly Peak-ті күңгірт келген Arktos реңкінен, аспасындағы алды 70 мм, арты 64 мм лифтінен, және BFGoodrich KO2 бүртабан шинасымен қапталған 18 дюймдік дискісінен танисыз. Шатырына ARB әзірлеген жылжымалы тенті бар Rhino-Rack Pioneer платформасын орнатқан. Жабдықтар тізіміне «аспашам», Baja Designs-тың тұманға қарсы шамдары мен толық өлшемді қосалқы дөңгелек кірді.

1 / 9

• 
• 
• 
• 
• 
• 
• 
• 
• 

1 / 9

Концепт премиум Pacifica Limited AWD-ден жасалғандықтан, интерьерінде әдемі спорттық рөл тұр, салоны Katzkin былғарысымен қапталған. Мамандар үшінші қатардағы орындықтарды алып тастап, ұйықтайтын және кемпинг жабдықтарын қоятын орын бөлді. 115 вольттық розетка мен дәрі-дәрмек қобдишасын да ұмытпапты.

Компания донордағы 9 сатылы автоматпен жұмыс істейтін 3.6 литрлік Pentastar V6 (287 а.к.; 355 Нм) мен қарапайым толық жүйесін қалдырды.

Pacifica Grizzly Peak көптеп шығады деген ақпарат әлі расталған жоқ. Сұраныс артып, конвейерге тұратын болса, Toyota Sienna Woodland Edition-нің бәсекелесі атанады.