Мәскеудегі көлік департаменті жол ережесінің сақталуын қадағалайтын тағы бір камераны көрсетті. Мегаполистің оңтүстік-шығысында жолақ арасымен жүрген көлікті анықтай алатын камера жұмыс істей бастады. Ол машинаны да, мотоциклді де таниды.
Жаңа өнім ең алдымен жүргізушілерді «қауіпсіздік аралы» мен қоғамдық көлікке арналған жолақты бөліп тұрған рефюжбен жүру әдетінен арылтуы керек. Сонымен қатар ол жол ережесінің 9.7-тармағында көрсетілген өзге де жол белгілерін елемегендерді анықтайды. Ереже бұзғандарға 1.5 мың рубль (9 мың теңге) айыппұл салынады.
9.7. Егер жолдың жүріс бөлігі сызық арқылы жолақтарға бөлінсе, көлік құралдары тек белгіленген жолақ бойымен жүруі керек. Жолақ ауыстырған кезде ғана үзік сызықты басуға рұқсат етіледі.
Айта кетерлігі, Ресейдің жол ережесінде бір жолақ бойымен екі көліктің жүруіне тыйым салынбаған. Демек таңбалау сызықтарын баспай көліктер арасында жүрген мотоциклге жаңа камера айыппұл салмайды.
Комментариев: 0