Мәскеудегі көлік департаменті ел астанасында бағытшамы немесе күндізгі жүріс шамы өшулі машинаны автоматты анықтайтын алғашқы камера іске қосылғанын хабарлады. Ол мегаполистің шығыс бөлігіне орнатылыпты.
Қазір кешен сынақ режимінде жұмыс істеп тұр, камера тіркеген фотосуретті мамандар тексереді. Тестілеу кезеңі қанша уақытқа созылатыны белгісіз.
Ереже бұзғандарды жарық техникасының суретін түрлі ракурста тексеріп үйренген нейрон жүйесі анықтайды. Камера қате жібермес үшін көлікті бірнеше рет суретке түсіреді.
Анықтама ретінде: Ресейде бағытшам мен күндізгі жүріс шамын жақпай жүрген жүргізушіге 500 рубль (3010 теңге) айыппұл салынады.
Еске салайық, жазда осындай камералар Мәскеуде ғана емес, Басқа өңірлерде де қойылады деген ақпарат тараған. Алайда мерзімі айтылмады.
Комментариев: 0