Жол талғамайтын Mazda MX-5 аукционға шықты

Bring a Trailer онлайн-аукционында 1992 жылы шыққан ерекше Mazda MX-5ті саудаға шығарады. Зауыттық бөлшектерінен тек шанағы мен салоны қалды.

Модельдің алғашқы буыны 130 ат күшіне ие төрт цилиндрлі мотормен жүретін. Ал мына көлікке 340 арғымақ күшіне ие арнайы карбюратор мен енгізу коллекторы бар 5 литрлік V8 орнатты. Қозғалтқышты шағын капот астына қою үшін оны өзгертуге тура келген. Жаңа карбон капоты осыны білдіреді. Мотор бес сатылы механикалық қорап пен артқы осіндегі қуатты Ford дифферинцалымен жұмыс істейді.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Шеберлер 27 дюймдік жолсызбен жүруге арналған шинамен қапталған 14 дюймдік диск үшін дөңгелек аркасын өзгертті. Алдыңғы бампер орнына қорғаныс доғасын, стандарт оптика орнына заманауи жарықдиодты оптика орнатты.

1 / 9

• 
• 
• 
• 
• 
• 
• 
• 
• 

1 / 9

Жүріс бөлігінде реттелетін койловер мен лифт-жинақ тұр. Жарық балкасының жоғарғы тұсымен есептегенде, көліктің жалпы биіктігі — 1.6 метр. Машинаның ауа баптағышы мен гидрокүшейткішін алып тастаған, бірақ орнына жаңа кресло, қауіпсіздік жарымкаркасын орнатыпты.

Ескі спорткарды жолсызға арнап өзгертіп, онлайн-аукционға шығару жиі кездесетін жағдай. Бірақ кейде шыққанына көп болмаған қымбат көлік иелері де автосының мүмкіндігін арттыруға тырысады. Наурызда шанағы жақсарған, жол саңылауы кеңейген, сыртқы каркасы бар Bentley Continental GT саудаға түсті.