Махараштра штатындағы Амравати мен Акола қаласы арасындағы тас жолды (суретте) салуға арнайы мамандарды қоса есептегенде бір жарым мың жұмысшы қатысқан. Жұмыс 3 маусым күні таңертең басталып, 7 маусымда кешке аяқталды, яғни 105 сағат 33 минутқа созылды. Бұл туралы The New Indian Express хабарлады.
Жаңа жол Калькутта, Райпур, Нагпур, Сурат секілді ірі қалаларды байланыстыратын Ұлттық тас жолдың бір бөлігі болады. Үндістан Ұлттық автомобиль жолдары басқармасы (NHAI) ұжымының ерен еңбегі Гиннес рекордтар кітабына енді.
Айтарға сөз жоқ.
Осы бойынша есептеп көрейік. Талдықорғаннан Өскеменге дейінгі жолдың ұзындығы — 817 шақырым. Үндістандықтар күніне 18.75 км жол салған. Біздің мамандар дәл сондай қарқынмен жұмыс істесе, Алматы — Өскемен трассасына 43 жарым күнде асфальт төселетін еді.
Комментариев: 0