Сенатор Марат Қожаев жол ережесін жиі бұзатын жүргізушілерді қатаң жазалауды ұсынған. Оның сауалына берген жауабында
Жол ережесін жүйелі түрде бұзатындарға тоқтау салу мақсатында Ішкі істер министрлігі Бас прокуратурамен бірге балдық жүйе әзірлеп, оны Астана, Алматы және Шымкентте сынақтан өткізіп жатыр. Жүргізуші бір жылда (заңға қайшы әрекет алғаш тіркелген сәттен бастап есептеледі) 20 балл жинаса, жүйелі түрде ереже бұзды деп саналады.
- Балл әрбір факт үшін тиісті қаулы күшіне енген соң беріледі. Бұл жүргізушінің шағымдану құқығын қамтамасыз етеді.
- Жиналған балдың жарамды мерзімі — бір жыл, бұл әкімшілік жауапқа тарту жөніндегі жазбаның бірыңғай тізілімде сақталу мерзімімен сәйкес келеді.
- 20 балл жинаған адам 6 ай көлік тізгіндей алмайды, бұл құқығын қалпына келтіру үшін емтихан тапсыруға тура келеді.
- Жүргізуші куәлігі жоқ азаматтар үшін де осыған ұқсас механизм бар — жаяу жүргінші немесе жол қозғалысының өзге қатысушысы ретінде заңға бағынбай, 20 балл жинаған тұрғын 6 ай жүргізуші куәлігін алу мүмкіндігінен айырылады.
Билік балл есептеу жүйесін пилоттық режимде енгізген соң жиі жол ережесін бұзатындарды психологиялық тексерістен өткізуді жоспарлап отыр.
Үкімет басшысы мәжілісмендер бірқатар норманы қолдамағанын айтты, мысалы, айыппұл төлейтін кездегі 50 % жеңілдікті алып тастау, жүргізуші куәлігін тоқтата тұруға негіз болатын себептерді көбейту,
20 сәуірде өткен құқық бұзу фактілерінің алдын алу жөніндегі ведомствоаралық комиссия отырысында премьер-министр уәкілетті органдарға облыстық маңызы бар жолдарға орташа жылдамдықты өлшейтін камера орнату мәселесін пысықтауды тапсырған.
Бірақ шенділер тәртіпке бағынатын жүргізушілерді марапаттау қажет емес деп отыр, өйткені ереже сақтау жүргізушінің басты міндеті, ол үшін бонус немесе жеңілдік берудің керегі жоқ деп санайды.
«Әлемдік тәжірибеде ынталандыру шаралары арқылы жол ережесін бұзу фактісін азайтқан мысалдар кездеспейді», — дейді О. Бектенов.
Комментариев: 0