Әлеуметтік желіде тараған бейнероликтен жүргізуші Шығыс айналма жолдың қарсы бетіне шығып алып кері жүргенін, қасындағы жолаушы музыканы қатты қосып, видеоға түсіріп отырғанын, басқа жүргізушілер сигнал басып жатқанын көруге болады.
Видеоның соңында автомобиль кері бұрылып, оңтүстікке қарай кетіп қалды.
Zakon.kz хабарлағандай, Медеу ауданының прокуратурасы оқиғаның мән-жайын түсіндірді: 26 сәуір 00:40-та Шығыс айналма жолда Changan көлігін тізгіндеген азамат қауіпті маневр жасаған. Жол қозғалысының басқа қатысушыларына қауіп төндіріп, қоғамдық тәртіпті бұзған. Сотта ер адам кінәсін мойындап, өкінетінін айтты. Сот оның әрекеті Әкімшілік кодекстің 434-бабы, 1-бөлігі бойынша ұсақ бұзақылыққа жатады деп шешті. Ол 10 тәулік темір торда отырады.
Бұған дейін Астана полициясы тәртіпсіз жүргізушілерді қамай бастады. Сот биыл наурыз бен сәуірде жол ережесін бірнеше рет бұзған елордадағы үш жүргізушіні 10 және 15 тәулікке қамады.
Комментариев: 0