Калифорнияда 2013 жылғы Toyota Tundra сатылымға шықты. Көлікке қарағанда, иесі ақырзаманға дайындалған ба деген ой келеді. Машинаға темір бампер, 8 тонналық шығыр, экспедициялық жүксалғыш пен бірнеше шам орнатылған.
Пикаптың жүргін бөлігі де жақсартылды. Онда жаңа тартқыштар, иінтіректер пайда болды, ал әдеттегі аспа орнына Fox Racing ұсынған тіреуіштер қойылған, сонымен қатар 37 дюймдік дөңгелектер орнатылыпты.
Салонында рация, қосымша сезбектер, навигацияға арналған бекіткіш, жетілдірілген аудиожүйе мен екі өрт сөндіргіш бар. Ал қақпақ астына 5.7 литрлік V8 орнатылған.
80 мың шақырым жүріп өткен Toyota Tundra-ның қаншаға сатылатыны белгісіз.
Кәдімгідей жетілдірілген Toyota Tundra-ны біздің елден де табуға болатынын айта кеткен жөн. Kolesa.kz-те ондай көліктердің бағасы 57 млн теңгеге дейін барады.
Комментариев: 0