Бағасы Toyota LC Prado-мен бірдей ВАЗ-2104

Ресейде 1992 жылғы ВАЗ-2104 сатылады. Бағасы — 6 млн рубль (шамамен 35 млн теңге). Мұндай ақшаға біздің елде жеті орынды Toyota Land Cruiser Prado (32.6 млн теңге) немесе 2 литрлік моторы бар Lexus RX 300 (35.1 млн теңге) алуға болады.

1 / 5

• 
• 
• 
• 
• 

1 / 5

Универсалды иесі сатып алған күннен мүлде жүргізбеген екен. Тіпті есепке қойылмаған машинаның шанағындағы зауытта орнатқан пломба сол күйі тұр. Көлік экспортқа шығару үшін жасалған және коллекцияның бір бөлігі көрінеді.

1 / 3

• 
• 
• 

1 / 3

«Төрттік» 72 күшке ие 1.5 литрлік бензинді мотор арқылы қозғалады. Агрегат айналу моментін артқы дөңгелектерге беретін 5 сатылы механикамен жұмыс істейді.

Сатып алушы автомобильмен бірге универсалдың өмір дерегін растайтын барлық құжатын алады, ішінде сатылғаны туралы түбіртек те бар.

ВАЗ-2104 Қазақстан үшін таңсық емес. Kolesa.kz-те 280 модель кездесті, жүзге жуығы Ресейде тіркелген. Бағасы 250 мың теңгеден басталып, 1.8 млн теңгеге дейін барады.