Bring a Trailer аукцион порталы Ford Mustang-тың сирек кездесетін түрленімін сатуға қойды. Оның стандарт маслкардан айырмашылығы көп. Golden Spirit деп аталатын көлік гаражда жасалған әуесқой түрленім емес, Zimmer Motorcars компаниясының маңызды жобасы.
Қазақстан тұрғындары Zimmer Motorcars атауын көп естімегенімен, олар әрлеген машина біздің жолдарда да кездеседі. Осы Mustang сияқты алдыңғы бөлігі біртүрлі ретролимузиндер есіңізде шығар. Ол да «Зиммер» өнімі, бірақ Lincoln Towncar-ға негізделген.
2011 жылғы Ford Mustang GT-ге негізделген Golden Spirit 412 ат күші мен 530 Нм момент беретін 5 литрлік V8 Coyote моторымен жүреді, барлық момент 6 сатылы автомат қорап пен үйкеліс күші жоғары дифференциал арқылы артқы дөңгелектерге беріледі.
Zimmer мамандары машинаның сырт пішінін ғана емес, интерьерін де өзгертті. Бірақ салонда өзгеріс көп емес, орындықтың стандарт қаптамасын қызыл былғарымен алмастырған. Рөл мен есік картасы да осындай материалмен қапталған. Базалық аудиожүйені алып тастап, орнына Shaker динамигін орнатты.
Көлік одометрі 52 мың миль (84 000 км) көрсетіп тұр. Жаңа Zimmer Golden Spirit Coupe 109 мың доллар тұратын. Машина қаншаға өтетіні белгісіз. Бәс сауда жақында ғана басталды, ал бағасы әзірше 11 мың долларға жетті.
Комментариев: 0