Бүгін, 16 мамырда ӨДҚ жаңа бағдарлама бүгін іске қосылатынын хабарлады. Қаржы ұйымдарының шотына ақша әлі түскен жоқ, бірақ олар өтінім қабылдайды.
Бағдарламаға Halyk Bank, Еуразиялық банк, ForteBank және Банк ЦентрКредит қатысады. Болашақта басқа да қаржы ұйымдары қосылуы мүмкін.
Жеңілдікті автонесие мынадай шарттармен беріледі:
- Елде құрастырылған бір жеңіл көлікке берілетін жеңілдікті несие сомасы 10 000 000 (он миллион) теңгеден, ал машинаның бағасы 15 000 000 теңгеден аспауы керек.
- Артығын қарыз алушы өзі төлейді.
- Қарыз алушыға (машина сатып алушы) автонесие екі жылда бір рет қана беріледі.
- Несие мерзімі — 7 жылға дейін.
- Бастапқы төлем — 0 %.
- Несие валютасы — теңге.
- Қарыз алушы үшін номиналды сыйақы мөлшерлемесі 4 %-дан аспайды.
- Жылдық тиімді мөлшерлеме қарыз алушының көлік құралын сақтандыру және тіркеу шығындарын ескере отырып 7.5 %-дан аспауы керек. Автокөлікті сақтандыру және кепілге ресімдеуге кететін шығынды несие алушы өтейді.
Брифингте ҚР ИИДМ өкілдері автокөлік алуға бұрын өтінім берген тұрғындарға қайта кезекке тұру қажет екенін айтты.
Несие рәсімдеу дәл қай уақытта басталатыны белгісіз, бірақ Алматыдағы салондарда таңнан бері халық қарасы қалың.
Комментариев: 0