Халыққа пайызы төмен несие беру үшін «ӨКМ Операторынан» алынған қосымша 100 млрд теңге таусылуға жақын. «Өнеркәсіпті дамыту қоры» 13 шілдедегі мәлімет бойынша банктер 90 млрд теңгеге 11 825 несие рәсімдегенін хабарлады. Бірақ сатып алушылар жалпы сомасы 59.5 млрд теңге құрайтын 7852 көліктің ғана кілтін алыпты.
Қазір өтінім қабылдау уақытша тоқтады. Банктер ақшаның револьверлік жолмен қайтуын немесе өтініші мақұлданған клиенттердің несие алудан бас тартуын күтіп отыр. Қалған 10 млрд теңгеге келер болсақ, ол «Еуразиялық банкке» беріледі. Транш ұйым шотына келер айда түсуге тиіс.
Ол ақша да таусылғанда көлік мінгісі келетіндердің банк шотына қайта ақша түскенін күтуіне тура келеді. Ал өткен жылдардағы тәжірибе бұл тез іске аса қоятын шаруа емес екенін көрсетті.
Комментариев: 0