15 маусымда Қазақстан ЕЭК кеңесіне азаматтар өзі пайдалану үшін ЕЭО аумағына машина әкелсе, оған жедел көмек көрсететін қызметті шақыру жүйесін немесе құрылғысын орнатпауға рұқсат беруді ұсынды. Мәселе талқылауға салынбай-ақ қаралып, кеңес шешімі 21 маусымда қабылданды.
Құжатқа сай ЕЭО мемлекетінде тұратын жеке тұлға өз еліне SOS батырмасы жоқ көлік әкелуге рұқсат алды. Бірақ мұндай машина тіркелген елде ғана жүреді деген шарт қойылды. Аталған жабдықты болашақта қайта орнатудың қажеті жоқ.
2023 жылғы 31 қаңтарға дейін осындай жеңілдік жасалады. Нақты қай күні басталатынын Kolesa.kz қосымша хабарлайды.
Айта кетерлігі, ЕЭК кеңесінің шешіміне дейін жеке тұлға әкелетін көлікке SOS батырмасын орнату туралы талап Қазақстанда ғана болды. ЕЭО-ға мүше өзге ел арзаматтары мұндай талаптан ертеректе босатылған.
Комментариев: 0