Істі соңына дейін жеткізем дегеніне қарамастан, қыркүйек айында соққы жеген егде жастағы жедел жәрдем жүргізушісінің кешірімді қабылдап, материалдық өтемақы алғандығы жайлы қорғаушы Андрей Диденко Facebook желісіндегі парақшасында жазды:
«Менің қорғауымдағы Кучма Николай Григорьевичтен айыпкер,Түркия азаматы Демир Эбузер Али көзбе-көз шын көңілмен кешірім сұрады, сонымен қатар, жат мінез көрсетіп, агрессиялық, адамгершілікке жат және заңға қарсы әрекет жасауына әкеп соққан, тек жеке басына ғана қатысты жағдайларды түсіндірді. Айыпкер істеген ісіне қатты өкінетінін сан рет қайталап,жасы үлкен кісіге, оның үстіне, қызметтік міндетін атқару барысындағы жедел жәрдем жүргізушісіне қатысты жасаған әрекетін жосықсыз және лайықсыз деп санайтынын айтты».
Тараптар татуласып, Николай Кучма Алмалы аудандық сотына және Алмалы ауданы прокурорына айыпкерді қылмыстық жауапкершіліктен босату жөніндегі жазбаша өтінішке қол қойды.
Ендігі іс соттың еншісінде, және әдетте мұндай жағдайлардың нәтижесі біреу — жәбір көрсетуші жауапкершіліктен босатылады. Дәл күтілгендей — ҚР ҚК-нің 68-бабының «арқасында» қылмыстық істер тараптардың татуласуымен аяқталады.
Комментариев: 0