Жапониядағы ең қымбат Toyota

Toyota концерні Жапонияда e-Palette атты жаңа электрокардың саудасы басталғанын хабарлады. Бұл — сырты заманға сай әрленген шағын автобус, бірақ Toyota оны көп мақсатты көлік ретінде ұсынып отыр, яғни оны бір күнде әртүрлі салада пайдалануға болады. Бренд e-Palette-ті әзірге тек тапсырыс бойынша жасайды, бірақ болашақта айтарлықтай жақсартады.

1 / 7

• 
• 
• 
• 
• 
• 
• 

1 / 7

Ішкі кеңістік барынша үлкен болу үшін e-Palette ерекше пішін алды. Қарапайым салонына жүргізушіні қосқанда 17 адам сыяды, бірақ жолаушы орындығы небәрі төртеу, қалғаны тұрып тұрады. Электрокардың басты мақсаты — жолаушы тасымалдау, дегенмен Toyota басқа да мүмкіндіктерін көрсетті.

1 / 7

• 
• 
• 
• 
• 
• 
• 

1 / 7

Мысалы, e-Palette таңертең және кешке жолаушы тасыса, күндіз шағын дүкен немесе кішігірім кофеханаға айналуы мүмкін. Кешке аккумуляторы қуатталып жатқанда ішіне шағын кинозал жасай аласыз. Марка машина салонын өзгертуге арналған қосымша жабдықтармен сатыла ма, жоқ па, нақтыламады. Иесі бұл мәселені өзі шешетін сияқты. Қазір тек екі ақпараттық табло бар, біреуі сыртында, екіншісі ішінде және арбаға арналған жылжымалы пандус орнатады. Электрокар екінші деңгейлі жүргізуші ассистенттерімен жабдықталған.

Жүргізуші ортада отырады және бірнеше дисплейді пайдалана алады, соның ішінде салондағы камера түсірген көріністі дисплейден көреді. Рөл қарапайым электромобильдегі сияқты, рөл мен дөңгелек арасында тікелей механикалық байланыс жоқ. Модель 204 ат күшін (266 Нм) беретін бір электромотормен жүреді, жылдамдығы сағатына 80 км құрайды. 72.82 киловатттық батарея шамамен 250 км еңсеруге мүмкіндік береді, оны 80 %-ға дейін қуаттау үшін 40 минут қажет.

Уақыт өте келе e-Palette автономды жүргізу саласындағы зерттеулерге негіз болады. Toyota 2027 жылға қарай осы модельдің негізінде кез келген жағдайға бейімделе алатын төртінші деңгейлі пилотсыз көлік жасауды жоспарлап отыр. Әзірге концерн оны кез келген клиентке сатуға дайын, 29 млн иен (107 млн теңге) берсе болғаны. Ол сәнді Toyota Century кроссоверінен 2 млн иен қымбат, бірақ компания жапон үкіметінің электрлі коммерциялық көлік саласын қолдау үшін ірі субсидия беретінін еске салды.