Toyota Land Cruiser 300-ді жапон жұрты да жылы қабылдады. Сұраныс жоғары, оның үстіне өндірістегі мәселелерге байланысты салонда көлік тапшы болғандықтан, машинаның екінші нарықтағы құны жаңасынан екі есе жоғары болып кеткен.
Жапониялық Best Car басылымы жақында жергілікті аукциондардың бірінде 2021 жылғы LC 300 (GR Sport нұсқасы) 15 миллион иенге (57.4 млн теңге) сатылғанын хабарлады. Осындай су жаңа жол талғамайтын көлік салонда 7.7 миллион иен (29.4 млн теңге) тұрады, ал қосымша жабдықтар үшін 700 мың төлейсіз.
Toyota алдын ала тапсырыстар қолға тиген соң осындай алыпсатарлар көбейіп кете ме деп қауіптенеді. Сол үшін компания клиенттермен қосымша келісімшарт жасап, оларды машинаны бір жыл толмай қайта сатпауға міндеттеді. Айта кетерлігі, жапондар ең алдымен машиналар санкция салынған елдерге өтіп кете ме деп алаңдайды, соған қарағанда көлікті қайта сатып қосымша табыс тапқысы келген отандастарын жазаламайтын шығар.
Жүрген Land Cruiser 300 Жапонияда ғана автосалондағы бағасынан қымбатқа сатылып жатқан жоқ. Қазақстанда модельдің 4 литрлік моторы бар қарапайым нұсқасы 42.8 млн, ал 3.5 литрлік турбомотор қойылған ең қымбаты 56 млн теңге тұрады. Бұл ресми баға. Ал Kolesa.kz сайтында сатылып жатқан «үз жүздіктің» ең арзанына 45 млн теңге, ең қымбатына («Премиум 70th Anniversary») 78.5 млн теңге сұрап тұр.
Комментариев: 0