Жуырда жапониялық Creative311 порталы Toyota Жапонияда Land Cruiser 300-ді қайта сатуға тыйым салғанын хабарлады. Басылым мәліметі бойынша, компания осылай алыпсатарлардың жолын кеспек болған.
Жаңалық бірден әлемге тарап кеткендіктен, Toyota жағдайды түсіндіруді жөн көрді. Mag-x порталы жариялаған мәлімдемеде марканың ресми өкілдері мұны растады. Алайда «Тойота» пысық сатушылардан емес, танымал модельдің халықаралық санкцияға байланысты техниканы жеткізуге шектеу қойылған елдерге өтіп кетуінен қорқады екен.
Компанияның кез келген дилеріне сыртқы сауда заңын бұзды деген айып тағылса, салдары автосалонның ғана емес, Toyota Motor-дың да қызметіне кері әсер етеді.
Комментариев: 0