Желіде әлемдегі ең танымал электромобильдердің бірі Tesla Model Y-дың рестайлингтен өткен нұсқасының алғашқы суреті тарады. Автомобиль қысқы сынақ кезінде көзге түскен, кроссовер ешқандай камуфляжсыз сынақтан өтіп жатыр.
Қытайда жарияланған фотосуреттен жаңарған Model Y-дың сырт пішіні Cybertrack-ты еске салатынын байқау қиын емес. Мысалы ретінде алдыңғы жағындағы күндізгі жүріс шамының жарықдиодты жіңішке жолағын, сәл төмен орналасқан шамын және артқы шамының дизайнын айтуға болады.
Model Y-дың экстерьері ғана емес, интерьерінде де өзгеріс бар. Салоны 2023 жылы күзде жаңарған Model 3 стилінде жасалуы мүмкін.
Tesla Model 3
Былтыр желтоқсанның екінші жартысында қытайлық БАҚ елдегі Tesla зауыты 2025 жылы қаңтардан бастап рестайлингтен өткен Model Y-ды шығаратынын хабарлаған.
Комментариев: 0