Жаңа Mercedes-Benz S-Class-тың ресми тұсаукесеріне аз уақыт қалғанда модельдің сырт келбеті қандай болатыны анықталды. Автомобильдің фотосын Cochespias порталы жариялады.
Фототыңшылар суретті тұсаукесерге дайындық барысында түсірген болса керек. Рестайлингтен өткен машина үш сәулелі жұлдыз тәрізді ендірмелері бар жаңа фара, жиегі жылтыр қара пластикпен әрленген ірі радиатор торын алды. Суретте стандарт S-Class емес, себебі бампердегі ірі ауа өткізгіш AMG нұсқасына тән.
Интерьер туралы нақты қорытынды жасай алмаймыз, бірақ цифрлық аспаптар панелінің планшеті бұрынғыдан ықшам көрінетін сияқты.
Алдын ала мәлімет бойынша S-Class-пен бірге марканың жаңа V8 қозғалтқышы — M177 Evo жарық көреді. Бұл — жазық иінді білігі бар 4 литрлік мотор. Қуаты 537 ат күшіне (750 Нм) тең. Мұндай агрегат S580 түрленіміне арналған. Көлік жол төсемі туралы деректі интернеттен алып, жол жағдайына алдын ала бейімделе алатын аспамен жабдықталады.
Комментариев: 0