Жаңарған Hyundai Creta-ның бар құпиясы ашылды

Hyundai рестайлингтен өткен Creta жайлы жаңа мәлімет жариялады. Бұл жолы шыққан суреттен кроссовердің сырт пішіні мен интерьерін анық көруге болады. Қазір машинаның бағасы ғана белгісіз. Кроссовер 16 қаңтарда Үндістанда саудаға түседі. Содан кейін Creta басқа елдерде сатыла бастайды.

1 / 5

• 
• 
• 
• 
• 

1 / 5

Hyundai Creta-ның сырт пішіні Palisade стиліндегі қырлы радиатор торы және Santa Fe стиліндегі жүріс шамымен ерекшеленеді. Өзгерген бамперде ірі қорғаныс жапсырмасы бар. Дөңгелек дискісі 18 дюймге дейін болады. Үндістанда алты бір реңкті, бір аралас реңкті (ақ корпус пен қара шатыр) шанақ түсі қолжетімді.

Салондағы басты жаңалық — алдыңғы панельге біріккен 10.25 дюймдік екі дисплей. Желдеткіш дефлекторы мен климат-бақылау блогы өзгерді. Сондай-ақ Creta-ның әрлеу материалдары да жаңарды.

1 / 5

• 
• 
• 
• 
• 

1 / 5

Машинаның мотор гаммасы аса көп өзгерген жоқ. Марка 115 ат күшіне ие 1.5 литрлік бензинді және дизельді моторды экологияға зиянын азайту үшін жақында жаңартқан, сондықтан оларға осы жолы тиіскен жоқ. Дегенмен рестайлингтен өткен Creta-да 7 сатылы роботпен жұмыс істейтін 160 күшке ие Kappa топтамасының үрлемді қозғалтқышы болады. Басқа моторлар 6 сатылы механика және автоматпен, сондай-ақ вариатормен жұптасады.

Кроссоверде түрлі опция көп, Hyundai қауіпсіздікке жауап беретін функцияларға ерекше назар аударады. Атап айтқанда, екінші буындағы SmartSense электронды көмекшілер кешенінен бөлек, алты қауіпсіздік жастығы бар.

Кроссовердің қымбат комплектациясы екі аймақты климат-бақылау, панорамалы шатыр, сегіз динамигі бар Bose аудиожүйесі, электрлі реттеуге және желдетуге болатын алдыңғы кресло, сондай-ақ айнала шолу камерасымен жабдықталған.

Компания Hyundai Creta басқа нарықтарға қашан шығатынын айтқан жоқ. Индонезияда рестайлингтен өткен кроссовер қазір сатылып жатыр, ол Creta мүлде басқаша, Hyundai Tucson-ға көбірек ұқсайды.