Hyundai Creta кроссоверінің екінші буыны (ЕЭО нарығына арналған нұсқасы) бізге енді ғана келіп жатқанда, өзге әлем көліктің түрленген нұсқасын көріп үлгерді. Autocar India басылымы жариялаған тыңшылық суретке қарағанда, жаңарған «Крета» сырттай Hyundai Tucson-ға ұқсайтын секілді. Күндізгі жарық шамының жарықдиодты элементтері радиатор торына тікелей орналастырылған. Сондай-ақ алдыңғы, артқы бампер, капот және артқы шамдар қайта жасалған болуы мүмкін.
Бастапқыда Қытай, Үндістан және өзге де Оңтүстік-шығыс Азия елдеріне арналған Hyundai Creta-ның техникалық жағы (моторын қоса алғанда) негізінен өзгеріссіз қалды. Біздің елде сатылатын екінші буындағы Creta-ның моторы модельдің бірінші буынымен бірдей. Негізгісі 123 ат күшіне ие 1.6 литрлік атмосфералы мотор, ал одан қуаттырағы — 2 литрлік (150 ат күші) агрегат. Алғашқысы механикамен де, 6 сатылы автоматпен де жұмыс істейді, ал екіншісі тек автоматпен жұптасады. Толық жетек екі түрлі қозғалтқыш үшін де қолжетімді.
Қолда бар ақпаратқа сүйенсек, жаңарған Hyundai Creta кроссоверінің таныстырылымы 2022 жылы өтеді. Ал Қазақстанға 1.5-2 жыл кешігіп жетеді.
Комментариев: 0