Өзбекстанның UzAuto Motors кәсіпорны жаңарған Chevrolet Cobalt өндірісін бастауға дайындалып жатыр. Бұл туралы Daryo.Uz сайты министрлер кабинеті жариялаған инвестиция кестесіне сілтеме жасап хабарлады. 2024-2026 жылдары «Кобальтты» жаңартуға 67.4 млн доллар жұмсалады.
Өзбекстандағы Chevrolet Cobalt-тың рестайлинг жобасы ұзақ уақытқа созылып кетті. Мұнда жаңарған седанның прототипі 2022 жылы көзге түскен, ал бастапқы жоспар бойынша жаңа өнім 2019 жылы нарыққа шығуы керек еді. Жаңа «Кобальт» Lacetti өндірісі тоқтағаннан кейінгі бостықты толтырады. Ол модель 2024 жылы конвейерден алынды.
Седан нақты қашан шығатыны қазірше белгісіз. 3.8 млн доллар инвестиция есебінен UzAuto Motors екі жылда 150 мың Chevrolet Cobalt өндіруді жоспарлап отыр. Болашақта өндіріс көлемі артуы ммүкін, өйткені елде Cobalt өте танымал. 2023 жылы седанның 118 мыңы өтіп, нарықта көш бастады.
Бұл Cobalt-ты жаңа өнім деуге келмейді. Сырт пішіні мен салоны жаңарған седан 2015 жылы Бразилияда жарық көрген. Машина жаңа оптикасы бар заманауи шанағы және 7 дюймдік дисплейі бар MyLink медиажүйесімен ерекшеленеді.
Седан Қазақстанда да құрастырылады, автокомплект UzAuto Motors-тан келеді, модель біздің елде де бестселлер саналады. 2023 жылы седанның 30.4 данасы өтіп, Hyundai Tucson мен Kia Sportage-ді артта қалдырды. Бірақ жыл қорытындысында Hyundai үздік бренд атанды.
Комментариев: 0