Биыл ақпанның аяғында лифтбекке айналған Polo-ның жаңа буыны ресми таныстырылды. Машина Škoda Rapid-ке ұқсайды.
Қазақстанда бес есікті Polo төрт түрлі жиынтықта ұсынылады. Ең арзаны — 5.6 млн теңге тұратын 90 аттың күшіне ие 1.6 литрлік моторы бар механика. Автомат қорабы тек 110 ат күшін беретін 1.6 литрлік мотормен жұптаса жұмыс істейді. Мұндай машинаның құны 6.3 млн теңгеден жоғары. Ал ең қымбат Polo 7 сатылы роботпен жұмыс істейтін 125 ат күші бар 1.4 литрлік мотормен жабдықталады. Ол 7.8 млн теңгеден сатылып жатыр.
Лифтбектің базалық нұсқасының оптикасы жарықдиодты, мультимедиалық кешенде 6.5 дюймдік дисплей бар. Тек артқы әйнегі жылытылады, салқындатқыш мүлде жоқ.
Қымбат нұсқаларына қосымша қауіпсіздік жастықшалары, климат-бақылау, 8 дюймдік дисплейі бар мультимедиалық жүйе, орындық жылытқыш, цифрлық аспаптар панелі мен басқа да көмекшілер орнатылған.
Polo біздің елде Hyundai Accent-пен және Kia Rio-мен бәсекелеседі.
Комментариев: 0