Duster-дің екінші буыны 2017 жылы Dacia атауымен нарыққа шыққан. Енді бұл темір тұлпар біздің де жолда жүйткиді. Марканың ресми өкілдері модельдің алғашқы тизерін жариялады. Жалғыз суреттен көліктің тек оптикасы мен артқы бөлігі көрінеді.
Renault Duster-дің екінші буыны Global Access платформасына негізделген. Шанағы мен интерьері су жаңа. Қазақстан нарығында машина 115 ат күшіне ие 1.6 литрлік агрегатпен және 150 ат күшін беретін 1.33 литрлік турбомотормен ұсынылуы мүмкін. Соңғысы тек вариатормен жұмыс істейді. Кроссовер Мәскеудегі зауытта құрастырылады.
Duster ұзақ уақыт біздің елдегі ең танымал көліктер көшін бастады, тек соңғы үш жылда қарқыны бәсеңдеп қалды. Жыл басынан бері 500 автокөлік иесін тапты.
Комментариев: 0