SLK мен G-Class-тың гибриді аукционға шығады

Bonhams аукцион үйі 1996 жылы Франциядағы Heuliez ательесі жасаған бірегей концептіні саудаға шығаруды дайындап жатыр.

1 / 10

• 
• 
• 
• 
• 
• 
• 
• 
• 
• 

1 / 10

Дизайнер Марк Дешам жасаған автомобиль 1995 жылы сатыла бастаған Mercedes-Benz SLK родстерінің бірінші буынына ұқсайды. Алайда көліктердің ортақ шанақ панельдері жоқ.

Жол талғамайтын көлік концептісі Mercedes-Benz негізінде жасалған. Француздар шасси ретінде 211 ат күшін беретін 3.2 литрлік қозғалтқышы бар G 320-ны таңдады. Родстер түпнұсқа моторын ғана емес, жол талғамайтын мүмкіндіктерін, соның ішінде бұғаттағыш пен төмен берілістің толық жинағын сақтап қалды. Жақсарған аспа мен үлкен дөңгелектер арқасында прототиптің клиренсі 305 мм болды.

1 / 8

• 
• 
• 
• 
• 
• 
• 
• 

1 / 8

Концепттің өмірі қызыққа толы болған. Шоукар жылдар бойы түрлі көрмеге қатысып, сырт келбеті жаңа түспен өзгеріп отырды. Осылайша машина қызыл, ақ және күміс түстес реңкке боялғаны белгілі. 2016 жылы Heuliez Intruder британиялық DK Engineering компаниясының қолына өтті. Ательеде родстер реставрациядан өтті, кейбір дерек бойынша оның құны 300 мың долларды құраған.

2024 жылдың басында АҚШ-қа қоныс аударған Heuliez Intruder мамырдың 4-інен 5-іне қараған түні саудаға шығады. Лоттың бағасы 250 000-300 000 доллар аралығында болады.