Жаңа Nissan Patrol 425 ат күшіне ие мотормен жүреді

Nissan жаңа буындағы Patrol-дың сипаттамасы мен тизерін жариялады. Жаңа өнімнің тұсаукесері 3 қыркүйекте өтеді. Марка тұтас әлемге тарайтын Patrol мен оның Armada деп аталатын Солтүстік Америкаға арналған нұсқасын таныстырады.

1 / 6

• 
• 
• 
• 
• 
• 

1 / 6

Қазірше жол талғамайтын көліктің радиатор торы, артқы жарық техникасы және дөңгелек дискісі сияқты бірнеше сыртқы деталін ғана көрсетті. Nissan-ның Солтүстік Америкадағы бөлімшесі Armada-ның Rock Creek деп аталатын ерекше түрленімі болатынын растады. Тизерден оның дизайны өзгеше болатынын байқауға болады.

Таяу Шығыста Nissan Patrol-дың алғашқы техникалық сипаттамасы белгілі болды. Қазіргі атмосфералы V8-дің орнын турбоүрлемді алты цилиндрлі мотор басады. Оның қуаты қазіргі қозғалтқышпен бірдей — 425 ат күші, бірақ тарту күші (700 Нм) атмосфералы мотордан айтарлықтай жоғары.

Patrol қозғалтқышты жаңа өніммен бір платформаны бөлісетін Infiniti QX80-нен алған. Бірақ агрегат қуаты кеміген. Турбоүрлемді V6 9 сатылы автомат қорапен жұптасады. Жаңа Patrol түрленімдерінің көбі толық жетекті болады, дегенмен, арзанырақ артқы жетекті нұсқасы шығуы мүмкін.

Жаңа платформа және басқа күштік құрылымнан бөлек, Nissan Patrol заманауи медиажүйе мен электронды көмекшілері бар жаңа интерьерімен ерекшеленеді.