Компания 2025 жылдың басты өнімін ұсынды. CLA седанының үшінші буыны топтамадағы ең арзан көлік атанады және брендтің жаңа стратегияға көшкенін көрсетеді. Жоғары технологиялы автомобиль электрлі және гибрид күштік құрылым алып, заманға сай жабдықтармен толығады. Саудасы жазда басталады, бірақ бағасы әлі белгісіз.
CLA шанағынан брендтің жаңа дизайнға көшкенін аңғару қиын емес.
Жаңа Mercedes-Benz толық тәуелсіз аспасы бар MMA платформасына негізделген. CLA седаны алдыңғы буынның өлшемдерін (4723 × 1855 × 1468 мм) сақтап қалған. Дегенмен ось арасындағы қашықтық 60 мм ұзын (2790 мм). Артқы жүксалғыш көлемі — 405 литр, капот астында қосымша 101 литр орын бар.
Mercedes-Benz электрлі
Екі нұсқа 85 киловаттық батареямен жүреді, артқы жетекті көліктің жүріс қоры 792 шақырымға жетсе, толық жетекті модель 771 км жүріп өтеді. Жылдам қуатталатын аккумулятордың көмегімен 325 шақырымға жететін энергия қорын 10 минут ішінде толтыру мүмкіндігі бар. Базалық жабдықтар тізіміне батареяны жылытуға арналған сорғы мен реттелетін рекуперация жүйесі кіреді.
Компания екі гибридті де таныстырды, әрқайсысы жаңа 1.5 литрлік турбомотормен жабдықталады. Ол кіріккен ықшам электрлі қозғалтқышы бар 8 сатылы роботпен жұптасады.
Mercedes-Benz CLA интерьерінің басты элементі — MBUX Superscreen дисплейі. Ол 10.25 дюймдік аспаптар панелі мен 14 дюймдік ортаңғы тачскриннен тұрады. Қосымша ақыға жолаушыларға арналған экран және алдыңғы әйнекке проекция орнатуға болады. Төртінші буындағы мультимедиа Unity қозғалтқышына негізделеді және онлайн жаңарып отыратын MB.OS операциялық жүйесін алады. Седан Microsoft пен Google-дың жасанды интеллектіге негізделген дыбыс көмекшісімен жабдықталады.
Бренд «қалқып тұрған» ортаңғы тоннельдің екі деңгейлі құрылымын атап өтті. Сымсыз қуаттағышты тек қосымша опция ретінде ұсынады. Стандарт жабдықтар тізімінде ортаңғы қауіпсіздік жастығы мен жүргізуші көмекшілерінің базалық жинағы бар, оны екінші деңгейлі автопилотқа дейін жақсартуға болады.
Еуропа нарығына арналған
Комментариев: 0