Қытайға арналған Mercedes-Benz CLA-дің өлшемі өзгерді

Компания дөңгелек базасы ұзын CLA седанының бастапқы бағасын жариялады. Электромобильдің күштік құрылымы Еуропадағы нұсқасымен бірдей, бірақ бағдарламалық жасақтамасы аспан асты еліне бейімделген. CLA L 259-299 мың юань (19.6-22.7 млн теңге) тұрады.

1 / 7

• 
• 
• 
• 
• 
• 
• 

1 / 7

Автомобильдің дөңгелек базасы 40 мм (2830 мм) ұлғайды. Жалпы ұзындығы 2763 мм-ге жетті. Сондықтан артқы жолаушыларға жайлы болады. Орындық жастықшасы да 10 мм ұзарды. Дегенмен сырт пішінінде айтарлықтай өзгеріс байқалмайды.

Mercedes-Benz CLA L диагоналі 10.25, 14.6 және 14 дюймдік үш экранмен жабдықталған. Бренд жолаушыға арналған экранды тек қымбат түрленімге (Burmester акустикасы мен AMG стайлинг-пакеті бар) қояды. MB.OS жүйесі жергілікті нарыққа бейімделген. Мысалы, дауысты көмекшіге ByteDance компаниясының Doubao жасанды интеллект элементтері қосылды. Жүргізуші ассистенттер кешенінің бағдарламалық жасақтамасын Momenta мамандары әзірледі.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

CLA L-дің базалық нұсқасы 272 ат күшіне ие қозғалтқышпен жүрсе, толық жетекті модификацияның алдында тағы бір мотор болады, онымен жалпы қуаты 354 ат күшіне артады. 85 киловаттық никель-марганец-кобальтты батарея орнын сақтап қалды. Көлік 866 шақырымды еркін еңсереді. Жылдам қуаттау жүйесі 325 км-ге жететін энергия қорын небәрі 10 минутта толтыра алады.