Бесінші буындағы Kia Sportage-дің алғашқы суреті биыл маусым айының басында жарияланды. Ол кезде модельдің сыртқы пішіні мен интерьері ғана көрсетілген. Kia енді көлік туралы толық ақпарат беріп отыр.
Kia Sportage-дің ұзындығы 175 мм (4660 мм), ені 10 мм (1865 мм), ал биіктігі 15 мм (1660 мм) өсті. Дөңгелек базасы 86 мм (2755 мм) ұзарды. Алайда бұл өлшем Sportage-дің қай нұсқасына (стандартты немесе ұзартылған) қатысты екені айтылмады.
Кроссовердің алдында McPherson тіреуі, артында көп иінтіректі аспа орнатылған. Тіреулер ECS жүйесі арқылы электронды басқарылады.
Көлікте көмекші жүйелер аз емес. Comfort, Eco, Sport, Smart және жолсызбен жүруге арналған Terrain Mode секілді жүріс режимдері бар. Сондай-ақ жаяу жүргіншілер мен велосипедшілерді анықтай алатын автоматты тежеу жүйесі, көрінбейтін аймақты бақылау, парктроник және круиз-бақылау секілді көмекшілер орнатылған.
Kia Sportage-дің қозғалтқыштар тізімінде 1.6 литрлік бензинді турбомотор (180 ат күші мен 264 нм) және 2 литрлік дизельді мотор (186 ат күші мен 416 нм) бар. Алғашқысы 6 сатылы механика немесе 7 сатылы роботпен жұмыс істейді. Ал екіншісі тек 8 сатылы автоматпен ұсынылады. Бұл агрегаттар Қазақстанға жеткізілмеуі мүмкін. Өйткені біздің елге Hyundai Tucson 2.0 және 2.5 литрлік атмосфералы мотормен келген.
Бесінші буындағы Sportage 2021 жылдың соңында сатылымға шығады.
Комментариев: 0