Осыдан екі жыл бұрын Corvette С8 таныстырылған еді, енді оның үздік түрленімі Z06 жарық көріп отыр, ол Corvette C8.R болидінің моторымен жүреді. 5.5 литрлік V8 LT6 алюминий блогының әр басындағы екі үлестіруші білік және «тегіс» иінді білікпен жабдықталған. Оның қуаты 670 ат күшіне тең, бұл «бар болғаны» 505 ат күшін беретін 6.2 литрлік LT2-нің қуатынан айтарлықтай жоғары.
Жаңа мотордың арқасында суперкар алғашқы 60 миляны (97 км) небәрі 2.6 секундта еңсереді. 8 сатылы робот қорап өзгеріссіз қалды. Машина дифференциалды электронды бұғаттау, бейімді Magnetic Ride амортизаторлары және launch control жылдам іске қосу жүйесімен жабдықталған. Аспасы қайта бапталды, базалық төрт поршенді тежегіштің орнына жақсырақ алты поршенді Brembo тежегіші орнатылды. Michelin Pilot Sport 4S ZP шинасының өлшемі — алдында 275/30 ZR20, артында 345/25 ZR21.
Corvette Z06 төбесінде алынбалы панелі бар купе немесе үсті жиналатын родстер түрінде ұсынылады. Машина сатылымға келер жазда шығады. Бағасы қазірше белгісіз, бірақ 90 000 доллардан басталуы мүмкін. Қосымша ақы төлеп, Z07 пакетіне тапсырыс беруге болады. АҚШ-та дәл мұндай қолжетімді суперкар табу қиын, өйткені оған ең жақын Audi R8 бен Lamborghini Huracan сәйкесінше 142 және 260 мың доллар тұрады.
Комментариев: 0