Жаңа BMW X5 Қазақстанда саудаға шығады

Биыл маусымда BMW X5-тің G65 индексті (Neue Klasse стилінде жасалған) бесінші буынының тұсаукесері өткен. Ал тамыздың аяғында кроссовер Қазақстанда көлік құралының типін мақұлдау құжатын алып, елімізде саудаға шығуға дайындалып жатыр.

1 / 5

• 
• 
• 
• 
• 

1 / 5

Құжаттан Қазақстанда 40 xDrive қана сертификат алғанын көруге болады, мұндай машина 400 ат күшіне ие 3 литрлік қатарлы турбомотормен (B58B30L) жүреді. Қозғалтқышпен бірге 48 вольтты стартер-генератор жұмыс істейді, яғни автомобиль жұмсақ гибрид. Қуат барлық дөңгелекке 8 сатылы автомат арқылы беріледі. Болашақта топтамаға батареялы iX5 сияқты түрленімдер қосылады.

Бесінші буын өкілінің ұзындығы — 4994 мм, дөңгелек базасы — 3035 мм. Базалық жабдықтар тізімінде бейімді аспа бар, қосымша ақы төлеп, пневматикалық тірек пен басқарылатын артқы дөңгелек орнатуға болады. Салонда 17.9 дюймдік медиакешен тачскрині тұр, онымен бірге алдыңғы әйнекке жақын орналасқан жіңішке дисплей жұмыс істейді. Сондай-ақ бренд опция ретінде жолаушыға арналған 14.6 дюймдік тачскрин ұсынады. Жабдықтар тізіміне креслоны жылыту, желдету және массаж функциясы, 12 немесе 18 динамикті аудиожүйе, төрт аймақты климат-бақылау, үздік электрондық көмекшілер кешені, есікті автоматты жабу жүйсеі және т.б. кіреді.

1 / 4

• 
• 
• 
• 

1 / 4

BMW жаңа X5-ті Қазақстанда қашан сататыны белгісіз, компания әлі ресми мәлімет берген жоқ. Бағасы да белгісіз, бірақ қазіргі X5-тен арзан болмайтын шығар. Модельдің xDrive40i нұсқасы — 58.65 млн, ал X5 M60i xDrive 72.5 млн теңге тұрады.

Қазақстандағы автосалондарда сатылып жатқан BMW X5 туралы толық ақпаратты Kolesa.kz-тегі «Жаңа көліктер» бөлімінен қараңыз. Онда модельдің техникалық сипаттамасы, комплектациясы және бағасы толық жазылған.