Жаңа BMW X5 қандай болады

Бесінші буындағы X5-тің тұсаукесері биыл жазда өтеді, ал оған дейін BMW кроссовер туралы бірнеше техникалық мәліметті жариялады.

Модель жаңа Neue Klasse платформасына емес, бұрыннан таныс CLAR платформасына негізделеді. Автомобильдің алдыңғы жағында қос иінтіректі, артында көп иінтіректі аспа тұр, сондай-ақ нұсқасына қарай бейімді пневматикалық аспа, артқы дөңгелекті басқару және стабилизатормен жабдықталуы мүмкін.

Кроссовердің электрлі нұсқасы батареяны 400 кВт-қа дейінгі токпен қуаттауға болатын 800 вольтты архитектураға негізделеді. BMW өкілдері 60 xDrive индексті ең үздік iX5 АҚШ-та 144 киловаттық алып батареямен, ал Еуропада 141 киловатт батареямен жабдықталатынын хабарлады. Бірақ жүріс қоры қанша болатыны белгісіз. Мұндай iX5-тің екі моторлы күштік құрылымы 578 ат күшін береді.

Дәстүрлі мотормен бар X5 алғысы келетіндер 400 ат күшіне ие 3 литрлік мотормен жүретін X5 40 xDrive пен 490 ат күшіне ие X5 50e xDrive гибридінің бірін таңдай алады. Ал 2028 жылы X5 топтамасына сутегімен жүретін түрленім қосылады.

1 / 10

Айта кетейік, жаңа X5-тің, атап айтқанда гибрид нұсқасының дизайны қандай екенін білеміз. Жабық тұсаукесерде түсірілген суреттер биыл наурызда желіде тарап кеткен. Суреттен кроссовер шағын тік «танауы» бар Neue Klasse стилінде жасалатынын көруге болады.

Комментариев: 0