Жаңа BMW X5-тің фотосы жарияланды

Жақында компания X5 кроссоверінің бесінші буынын 2026 жылдың жазында таныстыратынын растаған. Бүгін оның жабық презентациядағы суреттері X әлеуметтік желісінде пайда болды.

Жаңа X5 былтыр қыркүйекте жарық көрген ықшам iX3-ке ұқсайды. Екеуі жаңа Neue Klasse дизайнын алды. Бұл стильдің ерекшелігі — тік радиатор торы, контур жарық, жалпақ дөңгелек аркасы және артқы бөлікті бойлай орналасқан жіңішке жарықдиодты шам. X5-тегі артқы шамдар шағын көрінеді және өрнегі өзгеше.

X5-тің техникалық сипаттамасы туралы мәлімет аз. Модель бес түрлі күштік құрылым алатыны белгілі. Олардың қатарында қосылатын гибрид, толық электрлі және сутекпен жүретін (FCEV) нұсқалар бар.