Жаңа BMW i5-тің алғашқы видеосы шықты

Instagram желісінде жаңа BMW i5-тің екі видеотизері шықты, олар ресми BMW арнасы мен компанияның шеф-дизайнері Домагой Дюкечтің парақшасында жарияланды. Видеода седанның камуфляжсыз сырт пішіні ғана емес, интерьерінің кей деталі де көрінеді.

View this post on Instagram

A post shared by BMW (@bmw)

Тизерден 5-сериялы BMW-ның үлкен радиатор торын байқауға болады (әдеттегі седан мен i5-тің сырт пішінінде айырмашылық жоқ). Компания контурлы жарық техникасын электромобильге ғана опция ретінде ұсынады.

Дизайнер жариялаған роликтен жаңа «бестіктің» интерьерін де көруге болады: салондағы реңкі өзгеретін атмосфералық жарық пен үлкен ортаңғы экран көзге түседі. Компания бұған дейінгі жаңа өнімдеріне орнатып жүрген имек дисплейі бар «цифрлы кокпитті» BMW i5-ке қоймайтын сияқты. Сондай-ақ электрокарды ең жаңа операциялық жүйемен жабдықтайды.

View this post on Instagram

A post shared by Domagoj Dukec (@domagoj.dukec)

BMW i5 компанияның кезекті «технологиялық витринасы» болады, бұл сөз машинаның медиатехнологиясын ғана емес, шассиін де дәл сипаттайды, мысалы, ең жаңа бейімді амортизаторды басқару жүйесі қолданысқа енеді. Компания электрокар «жетілік» сияқты жайлы, «үштік» сияқты маневр жасауға ыңғайлы екенін айтады. Көмекші жүйелер кешені жүргізушінің қай жаққа қарап отырғанын аңғарып, соған сай әрекет етеді.

Көліктің күштік құрылымы жайлы электромобиль прототипімен танысқан журналистер ғана айтып жүр. Базалық нұсқасы 340 ат күшіне ие бір мотормен, ал M60 xDrive индексті түрленімі 600 ат күші бар екі мотормен жүреді.

BMW 5-серияның жаңа буынын 24 мамырда таныстырады, компания бірден модельдің бірнеше түрленімін көрсетеді. Топтамада седан, универсал, ІЖҚ бар нұсқасы, гибрид, электромобиль және M түрленімі болады. Батареялы машинаның да қуатты нұсқасы шығуы мүмкін.