Қайғылы оқиға бүгін Меркі ауданы Қарасу ауылында болды. Таңғы сағат 8:55-те Audi 100 жүргізушісі пойыз жолына шығып кетіп, локомотивке соғылған. Машинада отырған алты адамның бәрі оқиға орнында көз жұмды.
«Аталған факті бойынша Қылмыстық кодекстің 345-бабы, 4-бөлігі бойынша сотқа дейінгі тергеу басталды. Қажетті сараптамалар тағайындалды. Оқиға орнында кезекші тергеу тобы жұмыс істеп жатыр», — деп хабарлады облыстық полиция департаменті.
Полицейлер Audi-дің рельске неге шығып кеткенін анықтайды.
02.11.2022 в 14:15-те қосылды:
Audi жолаушы таситын Маңғыстау — Алматы пойызына соғылғаны белгілі болды.
Куәгерлердің айтуынша жоғары жылдамдықта келе жатқан локомотив седанды жапырып тастаған. Қатты соққыдан бірнеше метрге ұшып кеткен автомобильдің қозғалтқышы мен газ түтігі ғана қалған.
Апат болған жерде бұрын кезекші қызметкер ашып-жауып тұратын шлагбаум болыпты. Бір апта бұрын өткелді өзгертіп, кезекшіні алып тастаған. «Қазақстан теміржолы» ҰК кезекші болмаса да, өткелде автоматты сигнал беретін жүйе бар екенін хабарлады.
Комментариев: 0