Әкімшілік кодекске енетін жаңа өзгеріске сай машинаны техникалық байқаудан сөз жүзінде ғана өткізгендерге салынатын айыппұл 30-дан 100 АЕК-ке өседі. Көлік министрлігі мамандары ақауы бар машиналар техникалық тексерістен өтпей, жалған техбайқау картасымен жолда жүргенін айтты. Бұл жол апаты артып, кісі өлімінің көбеюіне себеп болады. Сол үшін мұндай әрекетке жазаны қатаңдату қажет деп санайды. Билік енді айыппұл мөлшерін арттырып, бір жылда қайта заң бұзған техбайқау операторын үш жылға лицензиясынан айырады.
Көлік министрлігі қажет жабдықтары жоқ болса да жұмыс істеп жатқан техбайқау операторларын азайту мақсатында хабарлау тәртібінен рұқсат беру жүйесіне көшуді жоспарлап отыр. Бұл көлікті техникалық тексерістен өткізу сапасын жақсартып, жалған техникалық қызмет көрсететін операторлар санын екі есе қысқартады.
Комментариев: 0