Қытайдағы бірқатар автоөндіруші АҚШ нарығын бағындырғысы келетінін айтып жүр, енді бұл тізімге Geely қосылды. Лас-Вегаста өткен CES 2026 көрмесінде концерн жүргізуші ассистенттері саласындағы соңғы жетістіктерін ғана емес, Zeekr 9X, 009 және Geely Galaxy M9 секілді бірнеше моделін көрсетті.
Geely жергілікті басылымға Zeekr-дің өзге өнімдерін (7X кроссовері мен 001 лифтбэгі), сонымен қатар Lynk & Co топтамасын таныстырды. Бұл брендтер Америкаға жол тартады. Компания оларды Оңтүстік Каролина штатындағы Volvo зауытында құрастырады.
Geely Holding Group-тың жаһандық коммуникациялар бойынша жетекшісі Эш Сатклифф Autoline басылымына берген сұхбатында концерннің АҚШ-қа қатысты жоспары туралы толық ақпарат алдағы 2-3 жылда жария болады деді.
Комментариев: 0