Zeekr ең ірі кроссоверінің салонын көрсетті

Zeekr Қытайда флагман 9X кроссоверіне арналған арнайы іс-шара өткізді. Бренд жаңа модельдің салонын алғаш рет көрсетіп, кейбір техникалық сипаттамасы туралы ақпарат берді. Компания бағасын тамызда жариялап, сол кезде алдын ала тапсырыс қабылдауды бастамақшы.

Zeekr 9X-пен бірге жаңа SEA-S платформасы да жарық көреді. Оның басты ерекшелігі — 900 вольттық архитектура және көлемі 70 кВт⋅сағ болатын аккумулятор. Бұл гибридтер арасында ең үлкен батареялардың бірі. Автомобиль электр қуатымен 380 шақырым жүріп өтеді, батареяны 20-дан 80 пайызға дейін қуаттауға небәрі 9 минут кетеді. Zeekr мұндай қуаттау жылдамдығы нарықтағы толыққанды электромобильдің басым бөлігінен озық дейді.

Жаңа өнім өте қуатты болады. Кроссовердің 4 моторлы күштік құрылымы 279 ат күшіне ие 2 литрлік бензинді қозғалтқышқа негізделген, электромоторлардың жалпы қуаты 1400 ат күшін құрайды. Ұзындығы 5.2 метрден асатын бұл көлік алғашқы жүздікті 3.1 секундта еңсереді. Гибридтің ең жоғарғы жылдамдығы — 240 км/сағ.

Zeekr 9X платформасы жол саңылауын 110 мм аралығында реттеуге болатын екі камералы элементтері бар пневмоаспамен жабдықталады. Максимал клиренсі — 288 мм. Бейімді амортизаторлар мен 48 вольттық белсенді көлденең тұрақтандырғыш бар. Шанағының 91 %-ы берік болат пен алюминийден жасалған.

1 / 10

• 
• 
• 
• 
• 
• 
• 
• 
• 
• 

1 / 10

Бастапқыда Zeekr 9X тек 6 орынды конфигурацияда шығады. Екінші қатардағы орындықтар ерекше жайлылығымен ерекшеленеді. Сәнді салонында динамиктер көп (кейбірі бас тірегіште). Автомобиль есіктері тұтқамен емес, түйме көмегімен ашылады. Медиажүйенің нақты сипаттамасы айтылмады, бірақ ең жоғарғы комплектацияда Zeekr-дің озық G-Pilot H9 автопилоты болады. 3-деңгейлі автономды жүргізуші көмекшілеріне бес лидар мен екі Nvidia Drive Thor чипі көмектеседі.

Компания 9X-тің бағасын тамызда Чэнду қаласында өтетін автосалонда жариялап, алдын ала тапсырыс қабылдауды бастайды.