Zeekr жаңа флагман моделін нарыққа шығаруға дайындалып жатыр. 9X индексті ірі кроссовер гибрид топтамадағы алғашқы көлік болады. Бұған дейін компания тек электромобиль шығарып келген.
9X-тің дизайны жіңішке күндізгі жүріс шамы және ірі хромдалған радиатор торы бар Zeekr 009 минивэніне ұқсайды. Артқы бөлігіндегі ықшам шамдары астыңғы және үстіңгі жарықдиодты жолақпен біріккен.
Өлшемдері мен техникалық сипаттамасы әзірге жарияланған жоқ. Автомобиль Super Electric Hybrid деп аталатын гибрид күштік құрылым алатыны белгілі. Ол электромобиль мен әртүрлі гибридтің артықшылықтарын біріктіреді. Кроссовер алғашқы жүздікті шамамен 3 секундта еңсереді және бес лидары бар G-Pilot жүргізуші көмекшілерінің жүйесімен жабдықталады.
Бастапқы бағасы — 500 000 юань (35.8 млн теңге). Алтынмен әрленген үздік Grand Edition нұсқасы шамамен 1 млн юань (71.7 млн теңге) тұрады.
Бренд толық ақпаратты 23 сәуірден кейін, Шанхай автосалоны ашылған соң жариялайды.
Комментариев: 0