17 қарашада Гуанчжоудағы автосалонның ашылуында Zeekr алғашқы седанын ресми көрсетті. Көліктің түрін, кейбір техникалық сипаттамасын, сонымен қатар мотор күші сияқты ақпаратты суреттер мен сертификат құжаттарынан көргенбіз, ал енді бағасы белгілі болды.
Бренд тапсырыс қабылдауды да бастап кетті. Модельдің базалық нұсқасы 229 900 юань (14.6 млн теңге) тұрады. Клиенттер мұндай ақшаға жүріс қоры 688 шақырым, 421 ат күшін беретін артқы жетекті көлік алады. 870 шақырым жол жүретін толық жетекті (645 а.к.) түрленімнің бағасы айтылмады.
Машина PMA2+ платформасында жасалып, алдында көлденең орналасқан қосарлы иінтіректі, ал артында көп иінтіректі аспа тұратыны ертерек айтылған. Седанның дөңгелек базасы — 2928 мм, ал өлшемі — 4865 × 1900 × 1450 мм. Сан алуан сенсор мен камера, сонымен қатар үш лидармен жабдықталған. Марка
Борттық медиажүйе Snapdragon 8295 чипсеті бар 15 дюймдік экранмен жұмыс істейді. Цифрлы аспаптар панелінен бөлек, салонда көлемі 35.5 дюйм проекциялық экран бар. Жабдықтардың толық тізімі айтылмады. Компания 21 динамигі бар аудиожүйеге және жастықтың ұзындығын реттеуге болатын көп бағытты электрлі орындыққа ерекше көңіл бөлген.
Zeekr 007 халықаралық нарыққа қашан шығатыны белгісіз.
Комментариев: 0