Zeekr 007-нің қуаты белгілі болды

007-нің ресми тұсаукесерінен бұрын Zeekr топтамасындағы төртінші модельдің сипаттамасы сертификат құжаттарының арқасында белгілі болды. Жарияланған құжаттардан электрокар салмағы 2150-2290 кг арасында болатынын, ал максимал жылдамдығы 210 км/сағ құрайтынын көре аламыз.

1 / 6

• 
• 
• 
• 
• 
• 

1 / 6

Zeekr-дің мотор гаммасында бірнеше агрегат түрі көрсетілген. Базалық нұсқасы литий-темір-фосфатты арзан аккумуляторы бар 421 ат күшін беретін мотордан тұрса, үздік нұсқа Geely мен CATL бірлесіп шығарған никель-марганец-кобальт батареясымен жабдықталып, 645 ат күшіне ие екі мотормен жүреді. Құжатта жүріс қоры туралы ақпарат жоқ. Модельдің ең арзан түрі 204 ат күшін құрайтын электрлі мотормен шығатыны туралы айтылған еді, ол кейінірек жарық көруі мүмкін.

Сипаттамасы желіге шыға салысымен, көлікті журналистерге көрсеткен кездегі салонның суреттері де тарай бастады.

1 / 4

• 
• 
• 
• 

1 / 4

Суреттен Zeekr X кроссоверінен сопақ рөл алғанын байқауға болады. Сонымен қатар мультимедиа кешенінің жылжымалы үлкен экраны, кішігірім цифрлы аспаптар панелі, проекциялық дисплей және екі сымсыз қуаттағыш тұрған ірі ортаңғы консоль көзге түседі. Салонның артқы жағында ауа өткізгіш пен екі USB-C рәзеткесі бар.

Қалған техникалық сипаттамасы мен жабдықтардың стандарт және опция түрін, бағасын 17 қарашада Гуанчжоуда өтетін ресми премьерада білетін боламыз. Қытайдағы БАҚ-тың болжауынша Zeekr 007-нің құны 200 000-250 000 (12.7-15.8 млн теңге) юань шамасында болады.