17 қарашада Zeekr алғашқы седанын Қытайда ресми түрде көрсетті. Ұзындығы 4.9 метрге жуық, дөңгелек базасы 2.9 метр электромобиль PMA2+ платформасында жасалған. Көрсетілімнен кейін компания 229 900 юань (14.6 млн теңге) тұратын, жүріс қоры 688 шақырым, 421 ат күшін беретін моторы бар артқы жетекті нұсқасына тапсырыс қабылдай бастады.
1 / 8
Бастапқыда жаңа модельге қызыққандар саны 5000-ға жуық екені айтылған. Екі күннің ішінде компания 20 000 тапсырыс қабылдағаны мәлім болды. Сатып алу үшін клиент 1000 юань (64.4 мың теңге) алдын ала төлем жасаса, 6000 юань (386 мың теңге) жеңілдік ала алады.
Zeekr 007 саудаға шыға салысымен көлік Қазақстанға келуі мүмкін. Басқа елдерде ресми сатылуы туралы әлі айтылмады.
Комментариев: 0