Ұзақ жүретін FangChengBao Tai 7

BYD концерні FangChengBao топтамасына кіретін жаңа модельдің Қытайдағы бағасын жариялады. Өз елінде Tai 7 деп аталатын кроссовер шетелде Titanium 7 деген атау алуы мүмкін. Бренд көлікті екі түрлі гибрид қондырғымен және әртүрлі жетек түрімен ұсынады, бағасы 179 800-219 800 юань (13.6-16.6 млн теңге) болады.

1 / 9

• 
• 
• 
• 
• 
• 
• 
• 
• 

1 / 9

Өлшемдері — 4999×1995×1865, дөңгелек базасы — 2920 мм. Осылайша жаңа өнім Leopard 8-ден 200 мм қысқа, бірақ ось арасы бірдей. Кроссовер FangChengBao-ға тән стильде жасалғанмен, топтамадағы алдыңғы модельдерден қарапайым көрінеді. Tai 7-нің аспасы толықтай тәуелсіз, фирмалық бейімді DiSus-C жүйесімен жабдықталған. Жүксалғыш көлемі 1880 литрге дейін жетеді (модель тек бес орынды), 600 мм таяз суды кешіп өте алады. Кіру және шығу бұрышы — 24 және 25 градус.

Жаңа өнімнің екі түрлі күштік құрылымы 156 ат күшін беретін 1.5 литрлік бензинді қозғалтқышқа негізделген. Базалық нұсқа артқы осіндегі 272 ат күші бар бір электромотормен, екі түрлі батареямен жабдықталған. 26.6 немесе 35.6 кВт·сағ аккумуляторлардың арқасында Tai 7 электр қуатымен 135 немесе 200 км жүреді.

Екі үздік комплектацияда алдыңғы осіндегі агрегат қосымша 218 ат күшін береді. Бұл күштік құрылым тек сыйымдылығы жоғары батарея алады, бірақ онымен жүріс қоры 190 км-ге дейін қысқарады. Ең қуатты Tai 7 алғашқы жүздікті 4.5 секундта еңсереді.

1 / 6

• 
• 
• 
• 
• 
• 

1 / 6

Жабдықтар тізіміне BYD-дің God’s Eye деп аталатын жүргізуші ассистенттерінің кешені кіреді, ол комплектацияға қарай әртүрлі деңгейде болады. Ең қымбат кроссовердің шатырындағы дрон опция ретінде қолжетімді. Салонына 12.3 дюймдік аспаптар панелі, 15.6 дюймдік ортаңғы сенсорлы экран және артқы жолаушыларға арналған екі 13 дюймдік планшет орнатылады. Жиырма шақты динамик бар.

FangChengBao Tai 7 Қытайда сатылып жатыр.