Ұшаққа ұқсайтын G-Class

Польшадағы Carlex Design тюнинг ательесі G-Vintage жобасын жақсартып жатыр. Ательенің Emerald Racer деп аталатын соңғы жұмысы P-51 Mustang ұшағының көшірмесін шығаратын ScaleWings-пен байланысты болғандықтан Mercedes-AMG G-Class-тың дизайнында авиацияға қатысты элементтер көп.

Көлікті ұшаққа ұқсату үшін мамандар автомобильдің шатырын және бүйірін тойтарма шегелермен безендірді. Жасыл-ақ түсті бояуы мен хром детальдің көптігі әскери ұшақтарды еске салады. Екі шетіндегі бес-бестен орналасқан түтік авиациялық қозғалтқыштың газ шығару жүйесі тәрізді. Интерьердегі дефлекторлар пропеллері бар ұшақтың тұмсығына ұқсайды.

1 / 5

• 
• 
• 
• 
• 

1 / 5

Машинаның қалған жері G-Vintage бағдарламасына сай өзгерді. Оған 80 мм жалпақ бастырық, 100 мм ұлғайған клиренс және 20 дюймдік дискілер кіреді. Салоны винтажды былғарымен және сұр-жасыл түсті алькантарамен қапталған, жүксалғышы табиғи ағашпен әрленген. Тюнерлер қозғалтқышқа тиіспеген секілді.

Мұндай «гелендваген» эксклюзив болмайды. Carlex Design тағы екі осындай экземпляр жасайды, бірақ әрқайсысы Shadow Comet және Crimson Phantom деп аталатын түспен шығады.