Жүргізуші сыртында, жолаушылар ішінде отыратын күймеге кәдімгідей ұқсайтын таункар не купе де вилль типті шанақтар 1930 жылдардың орта тұсында сәннен қалған.
Таптық кезеңнен естелік ретінде тек винилмен жабылған артқы сәндік әрлеу қалды. Алайда тағы біраз уақыт жүргізуші машинаның шатыры жоқ жерінде отырды.
1956 жылы GM Motorama көрмесінде Cadillac Eldorado Brougham Town Car атауын алған концептісін көрсетті. Күштік құрылымы жоқ, шанағы шыныпластиктен жасалған шоукар дизайнның жаңа бағытын көпке паш етті. Машина жүргізуші мен жолаушыға жеке орын беру философиясын сән-салтанатпен үйлестірді.
Әйнек қалқа бөліп тұрған жолаушы отыратын бөлікті мамандар алтын жалатылған фурнитурамен, ақшыл қымбат былғарымен әрлеп, Мароккодан келген қара былғарымен қаптады. Артына радиотелефон, кондиционер, шылым салатын ыдыс, алтын түстес стақандар мен графин қойды. Болашақта
1958 жылы концерн көрмеге қатысқан Eldorado-ны қоқысқа тастай салған. Бірақ сол жердің иесіне көлік қатты ұнап қалып, оны қызының тойына сыйға тартам деп сақтап қойыпты. Бикеш сол күйі тұрмыс құрмағанмен, автомобильдің ғұмыры ұзақ болды. Кейін бірнеше мәрте иесі ауысқан Eldorado Brougham Town Car араға көп жыл салып шын бағалайтын кісінің қолына түскен. Ол реставрациямен шектелмей, V8 моторы мен трансмиссия, тежеуіш және электрикамен жабдықтап, модельді толыққанды көлік құралына айналдырды.
Жұмыс сапалы жасалғаны соншалық, темір тұлпар 2013 жылы Amelia Island Concours d’Elegance конкурсында топ жарды. Жуырда көне «кадиллак» Пенсильвания штатына қарасты Херши елді мекенінде өткен RM Sotheby’s аукционында 494 500 долларға өтті.
Комментариев: 0