Youxin — Қытайдағы жаңа автомобиль бренді

Бейжің автосалонының ашылуы қарсаңында Geely концерніне кіретін және автономды жүргізу жүйесі мен жүргізуші көмекшілерін әзірлейтін Qianli Technology компаниясы Youxin («Юсинь» деп оқылады, ағылшынша Pallade) маркасын таныстырды. Оны Honor-дың бұрынғы басшысы Чжао Мин басқарады.

Youxin (游心) атауы қытай философы Чжуан-цзыдың еңбектеріне («Рухтың саяхаты», шектеуден еркіндік) сілтейді, ал Pallade даналық пен қорғаныстың символы саналатын грек құдайы Афина Паллада есімімен байланысты.

Компания жасанды интеллектіге негізделген автомобиль брендін жастарға ұсынады, сондықтан жасанды интеллект круиз-бақылау жүйесіне және ақылды салонға терең кіріккен. 4-деңгейлі автономды басқару жүйесі бар. Оны роботакси десе болады, бірақ тек ауа райы қолайлы болғанда рұқсат етілген аймақта жүре алады.

Youxin іс-шарада екі моделін көрсетті. Біріншісі — седан, бірақ компания оны төрт есікті спорткупе дейді, екіншісі кроссовер. Екеуі де электр жетекті. Техникалық сипаттамасы әлі белгісіз. Машиналар 2026 жылдың екінші жартысында сатыла бастайды. Autohome басылымы хабарлағандай, жаңа өнімдер ортадан сәл жоғары баға сегментіне кіреді. Құны 200–400 мың юань (~13.6-27.2 млн теңге) шамасында.